grins af shvues
sholem aleykhem

a.

erev shvues hob ikh oysgebetn bay der mame, olehe hshlum, ikh zol mir aleyn geyn hinter der shtot, onraysn un brengen aheym grins af shvues.

un di mame hot mikh gelozt eynem aleyn geyn hinter der shtot, onraysn un brengen aheym grins af shvues. loz zi hobn derfar a likhtikn gan-eydn.

an emese nesiye kon men onrufn nor di nesiye, vos a mentsh makht eyner aleyn, on khaveyrem, on a shum ibershlog. ikh bin mir eyner aleyn, a fray feygele, in der groyser breyter velt; iber mir iz di gantse groyse bloye yarmlke, vos me ruft zi ,,himl''; mir eynem aleyn laykht di sheyne likhtike tog-malke, vos me ruft zi ,,zun''; fun maynet vegn aleyn hobn zikh es tsunoyfgeklibn do, in frayen feld, di ale zingers, mit ale fayfers, mit ale shpringers, un nor tsulib mir aleyn hot zikh tsenumen di shmekndike royz, tseshpreyt der langer, der geler ,,sonishnik'', tsetsviklt un tseshprenklt dos gantse breyte feld mit ale antiklekh fun der milder natur. keyner kvetsht mikh nisht. keyner shtert mir nisht, keyner zet mikh nisht, a khuts got, un ikh kon mir ton vos ikh vil: vil ikh — zing ikh mir a sheynem ,,kevakoras''. vil ikh — shray ikh meshugenervayz un rays zid afn haldz. vil ikh leyg ikh tsunoyf di hant, vi a shoyfer, un bloz mir a ,,tekiye gedule'' un shpil mir a ,,trubatsh''. vil ikh — tu ikh mikh gor a valger, vi ikh shtey un gey, afn grinem groz un katshe mikh af ale zaytn, vi a loshikl. ver vet mir zogn a deye un vemen her ikh? ikh bin fray! ikh bin fray!

der tog iz geven azoy varem, di zun azoy sheyn, der himl azoy loyter, dos feld azoy grin, dos groz azoy frish, un afn hartsn iz mir geven azoy gring, un af der neshome azoy gut, az ikh hob gor fargesn, az ikh bin do a vild-fremder un az ikh bin aroysgekumen aher tsu onraysn grins af shvues, un hob mir forgeshtelt, az ikh bin do a mushl, a prints, un dos gantse feld, vos mayn oyg khapt-arum, mit altsding vos in feld, un afile mit dem gantsn bloyen shtik himl — dos alts gehert tsu mir, ikh bin deroyf der eyntsiker balebos, un ikh hob deroyf tsu shafn — un vayter keyner nisht. un vi a mushl, vos im alts gehert un er af alts geveltikt, heybt zikh mir on veln aroysbavayzn mayn memshole, mayn koyekh un mayn gvure — alts vos ikh kon un vos ikh vil...

koydem kol gefelt mir nisht ot der langer drong mit dem geln hitl (der sonishnik), vos bakumt mit a mol bay mir in di oygn a ponem fun a soyne, a min ,,golies haplishti''. un di ale iberike flantsungen, mit shteklekh un on shteklekh (bob un fasolyes) — dos zenen loyter sonem, dos zenen di ,,plishtim'', vos hobn zikh bazetst do bay mir af mayn erd, — ver hot geshikt nokh zey? un yene niderike, di grobe mit di grine kutshmes, vos zitsn azoy gedikht, hart bay der erd (kroyt), — vos tuen zey do di dozike kutshmes? zey veln zikh nokh onshikern un ton mir an umglik... lozn zey geyn in der erd arayn — ikh darf zey nisht! un beyze makhshoves, vilde instinktn vakhn-af in mir, un a modne gefil fun nekome nemt mikh arum durkh un durkh, un ikh heyb zikh on noykem zayn in di sonem — un nokh vi azoy noykem zayn!...

gehat hob ikh mit zikh, af ontsuraysn grins af shvues, mitgenumen kley-zayen: a meserl mit tsvey klinglekh un a shverd, afile a hiltserns, nor a sharfs.

dos dozike shverd iz bay mir farblibn fun lagboymer. un khotsh ikh bin mit dem gegangen lagboymer af velt-milkhome mit mayne iberike khaveyrem hinter der shtot, fun destvegn kon ikh aykh shvern (ir megt mir gloybn on a shvue), az es hot nisht fargosn keyn eyn tropn blut. dos iz geven a kley fun dem min kley-zayen, vos dos militer trogt bshas sholem. s'iz take, heyst es, nishto keyn shum simen fun velt-milkhome, shtil un ruik arum un arum, nor gornisht, glat azoy, fun ,,derekh-sholem'', vegn, lozn zikh shteyn tsugegreyt shverdn, biksn, harmatn, kanonen, ferd, soldatn — halevay zol men zey nisht badarfn, vi mayn mume etl flegt zogn, bshas zi hot gepreyglt malenes...

b.

dos iz yedue af der gantser velt, az bshas velt-milkhome tsilt men zikh trefn dem eltern, dem ofitsir; dem general az me kon trefn, iz nokh beser; demolt faln shoyn bemeyle di soldatn, azoy vi shtroy. derfar vet aykh shoyn keyn khidesh nisht zayn, vos ikh bin tsum alem ershtn ongefaln af dem ,,golies haplishti'', im derlangt mit dem shverd a geshmakn hak ibern kop mitn geln hitl un hipshe etlekhe zets fun hintn, — un der roshe hot zikh oysgetsoygn, vi lang er iz, far mayne fis. nokh im hob ikh anidergeleygt nokh hipshe etlekhe gezunte reshoyem, di shtekns fun zeyere hent aroysgerisn un farvorfn tsu aldi shvartse yor. un di niderike di grobe, mit di grine kutshmes, hob ikh genumen tsu der arbet gor af an ander oyfn: vemen ikh hob gekont, hob ikh aropgenumen di grine kutshme, un di iberike hob ikh getrotn mit di fis, gemakht fun zey a teyl-oylem!

bshas velt-milkhome, az dos blut tsehitst zikh un me geyt-arayn in hespayles, shnaydt men af vos di velt shteyt. az me halt bay fargisn blut, farlirt men zikh un me veyst nisht, vu me iz in der velt. demolt leygt men nisht keyn koved af keyn elters, me kukt nisht af keyn shvakhe froy, me hot nisht keyn rakhmones af keyn kleyne kinder, un blut, blut gist zikh, azoy vi vaser... ikh, bshas onfaln af dem soyne. hob nokh nisht gefilt in zikh aza kas mit aza bren, vi nokh di ershte etlekhe gute klep, vos ikh hob ayngeteylt dem soyne; nor vos vayter hob ikh mir alts mer gehitst, zikh aleyn untergegebn ale mol mer kheyshek, un ikh bin azoy arayn in der arbet, ikh bin geven in aza ekstaz, in aza retsikhe, az vos s'iz mir gekumen far di oygn — dos hob ikh gebrokt, geshnitn af ale zaytn, un mer fun alemen hobn fun mir gelitn nebekh ,,kleynvarg''... di yunge kaylekhike arbuzlekh, kabaklekh mit di grobe baykhlekh, di kleyne pitslekh ugerkelekh, vos krikhn nor-vos aroys fun der griner ,,hodene'' mit di gele goplekh, — zey hobn mikh tsereytst nor mit zeyer shtilshvaygn un mit zeyer kaltkayt; un ikh hob zey ayngeteylt azoy, az zey veln mikh hobn tsu gedenken: ikh hob gehakt keplekh, geshnitn baykhlekh, gerisn af der halb, gebrokt af shtiklekh, tseshlogn, tseharget, gemeyzikt af toyt, — loz mikh azoy visn shlekhts, vi ikh veys, fun vanen es hot zikh tsu mir genumen aza retsikhe! umshuldike kartoflyes nebekh, vos zenen gezesn tif in der erd, hob ikh fun der erd aroysgegrobn un hob zey muser moydiye geven, az fun mir bahalt men zikh nisht!... yungn knobl mit grine tsibelkelekh hob ikh aroysgerisn mitn vortsl, retekhlekh zenen gefloygn bay mir, vi di haleshkes un loz mikh got shtrofn, oyb ikh hob nehene geven afile a shtikl retekh, vorem ikh gedenk gants gut fun der megile di verter: ,,uvabizo loy sholkhu es yodom'', rabeven hobn yidn nisht gerabevet... un ale minut, az der yeytser-hore iz gekumen tsu mir un mikh ongeredt, ikh zol genisn a tsibelke, farzukhn a knobelke, iz mir der posek fun der megile gekumen akegn mit di verter, mitn trop un mit der negine: uvabizo loy sholkhu es yodom!... un ikh hob nisht oyfgehert tsu shlogn, hakn, brokn, meyzikn, meymesn un shnaydn af shtiklekh yung un alt, kleyn un groys, orem un raykh, on a shum rakhmones...

aderabe, ikh hob mir forgeshtelt, az ikh her zeyer shrayen mit zeyer veynen mit zeyer betn zikh bay mir un es zol dos mikh onheybn arn! merkverdik! ikh, vos hob nisht gekont zen, vi me koylet an of, vi me shmayst a kats, vi me baleydikt a hunt, vi me shlogt a ferd, — zol ikh zayn aza min tiran, an akhzer?!... ,,nekome! — hob ikh a farshikerter nisht oyfgehert tsu shrayen. — nekome! ikh vel zikh mit aykh oprekhenen far yidish blut! ikh vel aykh shoyn batsoln far yerushelayem, un far beytar, un far di yidn in shpanye mit portugal, un far di yidn vos in maroko, un oykh far undzere, vos in uman amol un vos in anderer erter oykh haynt... un far di yidishe seyfer-toyre's, vos me hot tserisn, un far di... ay! ay! ay! gvald! ratevet! ver halt dos mikh farn oyer?''...

tsvey rekhte stusakes fun hintn un a por kofl-shmoyne-dike petsh fun forent hobn mikh in eyn keheref-ayen oysgenikhtert, un ikh hob derzen far zikh a bakantn parshoyn, vos ikh volt gemegt shvern, az s'iz okhrim dem bashtanshtshik.

c.

okhrim der bashtanshtshik hot fun kadmoynem gehaltn a ,,bashtan'', a gortn, oder a ,,baktshi'', bay undz hinter der shtot. dos heyst, er hot opgedungen a desyatine erd un dortn farfirt a gortn, gezetst kavenes un dinyes, ugerkes un kartoflyes, tsibeles un knobl un retekhlekh un shar yerokes, un gehat derfun sheyn parnose. fun vanen hob ikh gekent okhrimen? veyl er hot mit undz gehandlt, dos heyst, flegt leyen bay mayn mamen gelt ale erev peysekh, un arum sukes-tsayt flegt er onheybn bislekhvayz funem pidyen ayntsoln, un dos gelt flegt farshribn vern bay der mamen in grobn sider af dem linkn tovl (dort iz geven ir gantse bukhhalterye), in a zeyt, opgetrotn fun okhrims vegn a bazunder plats, a bazundere konte, un ongetseykhnt fun oybn mit groyse oysyes: kheshbn orl okhrim. un nokhdem iz shoyn gegangen di kheshboynes: ,,fun okhrim a kerbl. fun okhrim nokh a kerbl. fun okhrim tsvey kerblekh. fun okhrim a halb kerbl. fun okhrim a zekl kartoflyes''. un azoy vayter... un khotsh di mame iz geven a yidene nisht keyn gevirte, an almone mit kinder, un hot gelebt fun ,,protsent'', nor bay okhrimen keyn protsent hot zi nisht genumen keynmol: er flegt undz tsoln mit gortnvarg, amol mer, amol vintsiker — mir hobn zikh mit im keynmol nisht gekrigt.

iz geven a geret, flegt er aleyn onshitn undz a fuln keler mit kartoflyes un mit ugerkes afn gantsn vinter; un az nisht — flegt er zikh opbetn bay der mame:

— nye vibatshoy, avrumikha, bo ne vrodilo! [не вибачай, бо не вродило] — dos heyst: hob keyn faribl nisht, Avrems vayb, s'iz nisht gerotn! un di mame flegt im moykhl zayn dos mol un onzogn, az, imyirtseshem, afn andern yor zol er nisht zayn keyn doverakher. un take azoy flegt zi im zogn, kehay lishne mamesh:

— lyadizh, okhrimu sertse, yak boh dast na toy hod shob ti ne buv svinya! [Лядишь, Охріму-серце, як Бог даст на той год щоб ти не був свиня] (ze, okhrim-sertse, oyb got vet gebn tvue in a yor arum, zay nit keyn khazer!) ...

— dobre [добре] (gut), avrumikha, dobre! — flegt ir okhrim opentfern un haltn vort: di ershte grine tsibeles mitn ershtn yungn knobl hot er tomed gebrakht tsu undz; di ershte yungitshke kartofelekh mit di ershte grine ugerkes zenen tomed geven bay undz, gikher vi bay di negidem. un ikh hob nisht eyn mol gehert fun undzere shkheynem un shkheynetes, az der almone iz gor nisht azoy shlekht, vi zi makht dem onshtel. ,,zet nor, me trogt ir arayn in shtub fun kol tuv'' ... se farshteyt zikh, az ikh hob dos bald opgetrogn der mamen in oyer arayn. hot zey di mame gut oysgesholtn: zalts zey in di oygn, shteyner zey in hartsn! ver se fargint mir nisht, der zol aleyn nisht hobn! ikh vintsh zey iber-a-yor af mayn shteyger!

se farshteyt zikh, az ikh hob bald ibergegebn undzere shkheynetes, vos di mame hot zey gevintshevet... se farshteyt zikh, az far azelkhe verter zenen zey geven af der mame leharog ulabeyd un ongerufn zi mit aza nomen, vos mir iz geven a kharpe tsu hern... se farshteyt zikh, az mikh hot dos fardrosn un ikh hob dos bald opgetrogn der mamen. hot mikh di mame mekabed geven mit tsvey petsh un ongezogt, ikh zol oyfhern arumtrogn ,,shalekh-mones'', fun eynem tsum andern... fun di petsh hob ikh geveynt, un dos vort ,,shalekh-mones'' hot mir gepikt in moyekh: ikh hob nisht farshtanen far vos ruft zi dos epes ,,shalekh-mones''?

a yom-tuv flegt zayn bay mir, az ikh fleg derzen fun der vaytn okhrimen mit di groyse shtivales un mit der grober vayser, varemer, volener svite, vos er hot zi getrogn zumer un vinter. derzen okhrimen geyn, hob ikh gevust, az dos trogt er undz a fule pelene mit gortn-varg, un ikh fleg loyfn in kikh onzogn der mame di bsure, az okhrim iz gekumen.

d.

bekhlal darf ikh moyde zayn, az tsvishn mir mit okhrimen iz geven a min libe a farborgene, a min simpatye, vos me kon zi nisht aroysgebn in verter. geredt hobn mir tsvishn zikh kemat keynmol nisht; ershtns, derfar, vos ikh hob nisht farshtanen zayn loshn un eyd hot nisht farshtanen mayn loshn (dos heyst, ikh im hob farshtanen, nor er mikh — makes!). un, tsveytns, hob ikh mikh geshemt: aza groyser okhrim — vi azoy redt men mit im? fleg ikh darfn onkumen tsu der mamen, zi zol zayn tsvishn undz der tolmatsh.

— mame, freg im, far vos brengt er mir nisht keyn vaynshl?

— vu zol er dir nemen vaynshl? in a bashtan iz nishto keyn vaynshl.

— lemay iz nishto in a bashtan keyn vaynshl?

— vorem in a bashtan vaksn nisht keyn vaynshl-boym.

— lemay vaksn nisht in a bashtan keyn vaynshl-beymer?

— lemay, lemay, lemay — du bist a geshleyerte shikse! — makht tsu mir di mame un varft mir af a patsh.

avrumikha, ne beey detina [Не бий дитина] (shlog nit dos kind)! — makht tsu ir okhrim un shtelt zikh on far mir.

ot aza min orl iz geven okhrim, un bay im bin ikh dos gelegn atsind in di hent.

mitn seykhl badarf men farshteyn, az s'iz minastam azoy geven di mayse: okhrim, az er iz ongekumen un derzen bay zikh afn bashtan aza khurbn, hot er tekhiles badarft nisht farshteyn, vos tut zikh do. derzen aza nefesh, vi ikh, arbet mit dem shverd af ale zaytn, hot okhrim badarft iberklern af mir mi yoydeye vos: a nisht-guter, a shretele, an onshikenish, — un hot gevis zikh ibergetseylemt etlekhe mol. nor nokhdem, az er in tsugegangen neenter un derzen, az dos arbet azoy getray davke a yidish yingl, un davke mit a hiltsernem shverd, hot er mikh ongenumen baym oyer, nor azoy geshmak, az es hot mikh tsugetsoygn tsu der erd, un ikh hob ongehoybn shrayen nisht mit mayn kol:

— ay! ay!! ay!!! ver tsit dos mikh farn oyer?

ersht het-shpeter, nokh di rekhte stusakes un nokh di emese petsh, vos okhrim hot mir ayngeteylt, hobn mir zikh bagegnt mit di oygn un hobn zikh beyde derkent eyns dos andere, un mir zenen beyde geven iberrasht, geblibn on loshn. — avrumikhine detina!? — hot okhrim oysgeshrien un hot zikh ibergetslmt, un hot genumen batrakhtn di hezeykes, vos ikh hob im do ongearbet, bakukt yede gradke mit itlekhs shtikl erd, un es hot im azoy ongenumen baym hartsn, az es hobn zikh im geshtelt trern in di oygn. er hot zikh avekgeshtelt akegn mir, tsunoyfgeleygt beyde hent bay zikh afn boykh un a freg geton mir nor eyn vort:

— za shtsho [За що]? — far vos kumt dos mir, heyst dos...

ersht do hob ikh tsekayt, vos far a khasene ikh hob ongearbet un vemen ikh hob azoy shtark goyrem hezek geven. un ikh hob zikh aleyn gefregt: ,,far vos? far vos?''...

— khodim [ходiм] (lomir geyen)! — makht tsu mir okhrim un nemt mikh on far a hant, un ikh beyg zikh tsu tsu der erd far shrek; ikh meyn, ot-ot makht er fun mir a prezhenitse. nor okhrim tshepet mikh nisht; er halt mikh nor shtark far der hant, nor azoy shtark, az es shpringen mir di oygn funem kop, un firt mikh op aheym tsu der mame, un dertseylt ir oys altsding, un git mikh iber af ire hent...

e.

zol ikh aykh dertseyln, v o s ikh hob gehat fun der mame? zol ikh aykh oysmoln ir shrek mit ir kas mit ir brekhn di hent, bshas okhrim hot ir ibergegebn mit ale pishtshevkes dem gantsn khurbn, vos ikh hob im ongemakht in bashtan? okhrim hot zikh nisht gefoylt, genumen dem shtekn un bavizn mit im der mamen, vi azoy ikh hob gearbet aher un ahin, af ale zaytn, vi azoy ikh hob gehakt un gebrokt un geshtokhn un getrotn mit di fis, un di kartoflyes fun der erd aroysgegrobn, un di hodene fun di ugerkelekh, nor-vos oyfgegangene ugerkelekh... un far vos? far ven?

— za shtsho, avrumikha, za shtsho?...

mer hot okhrim nisht gekont redn: es hobn zikh im, a ponem, geshtelt di trern in haldz.

dem rekhtn emes muz ikh aykh zogn, kinder: ikh volt beser gevolt zayn gepatsht fun okhrims hent, eyder hobn dos, vos ikh hob gehat fun der mamen far shvues un funem rebn nokh shvues... haynt di bizyoynes, vos ikh hob nokhdem gehat a gants kaylekhik yor fun mayne khaveyrem in kheyder, vos hobn mir tsugezetst zeyer a laytishn nomen: ,,bashtanshtshik'', ,,yosl bashtanshtshik''!... der doziker sheyner nomen iz mir farblibn het-het kemat biz der khasene...

ot vi azoy ikh bin gegangen raysn grins af shvues.