khayke brwryh vigand

--- trernlid ---

vi a lid
leyg ikh arayn
mayne trern
in dayn hant,
un es kholem|t zikh mir,
az zey vaksn
in zeyer gantser sheynkayt
fun umet un glik.

afile ven mayne trern
gefinen nit dayn hant,
hit mir oyf
mayn libshaft.

afile ven mayne trern
vaksn nit oyf dayn hant,
tseblien zikh nit,
hit mir oyf
mayn kholem.

vi a lid
leyg ikh arayn
mayne trern
in dayn hant.
efsher
veln zey vaksn
un zikh tseblien
in zeyer gantser sheynkayt
un farvandlen
al dem umet
in likht...

--- shabes ---

s'iz di shtilkayt efsher
nokhn shturem,
di midkayt
nokh a vokh fun yogenishn,
plogenishn, plonternishn,
di gebentshte ru
nokh a vikher
fun tseshoyberte khvalyes,
a hoykh fun khedve
nokhn tohu vovohu.

s'iz di shtilkayt efsher
far a nayem shturem,
di midkayt
far a nayer vokh fun yogenishn,
plogenishn, plonternishn,
di gebentshte ru
far a nayem vikher
fun tseshoyberte khvalyes,
a hoykh fun khedve
farn tohu vovohu.

s'iz di shtilkayt,
di midkayt,
di gebentshte ru,
efsher
a hoykh fun khedve.

shabes.

--- a kholem ---

nekhtn hob ikh bagegnt a kholem,
vos hot azoy zingendik
shpatsirt oyfn bulvar.
kh'hob im a shmeykhl gegebn:
a borekh habe dir.
kumst shpet.

er hot zikh tselakht un tsezungen
un tsu mir geton a zog:
hob keyn moyre nit,
kh'bin bloyz a kholem.
kum un leb in mir,
un du vest flien hoykh.

un er iz antfloygn.

ikh hob azoy zingendik
shpatsirt oyfn bulvar
un gezogt tsu mayn harts:
a breyre hobn mir ?


--- es vorken toybn far mayn fentster ---

es vorken toybn
far mayn fentster
in a fintstern frimorgn
nokh a levone|diker nakht.

nor di vayse toyb
fun mayn poezye,
vos vorket oys ir lid
in mayn kholem,
bahalt zikh tif
in mayn zikorn
un mayn muze
blaybt fartrakht.

es vorken toybn
far mayn fentster
in a fintstern frimorgn
nokh a levone|diker nakht.

es faln federn,
groye, shvartse, grine,
oyf leydik vays papir.
es shpiln shternhent zikh fir
oyf leydik vays papir.
tsvey funem levone-kind
un tsvey fun zayns a malekh,
vos helft im
oysshpiln zayn kholem
un zayn lid.

es vorken toybn
far mayn fentster
in a fintstern frimorgn
nokh a levone|diker nakht.


--- shternglik ---

shternkind,
farfleytst
fun levone-likht,
inem trern-tants
fun der nakht.

a falndiker shtern
fun glik
falt arop
fun himl
oyf umzikhern bodn,
vert a zoymen,
a blum,
a trer,
farvandlt hofenung
in umet,
umet
in hofenung,
heybt zikh oyf
vi a foygl
oder vi a tfile
un kert zikh tsurik
in himl
vi a lid.

shternkind,
farfleytst
fun trern,
farvandlt
funem shternglik
fun der nakht.


--- gants umgerikht ---

geshtokhn hot mikh
mayn muze,
gants umgerikht,
vi a bin,
mit a shtokh, a zisn,
mit zingendike tener,
un gezogt hot zi
tsu mir azoy:

iz, vos iz der khidesh?
ikh bin dayn muze.
kum un shpil zikh mit mir,
un du vest kenen
bashafn veltn
fun verter un fun klangen,
fun kolirn un gezangen,
a gantse simfonye
fun same grunt
fun dayn neshome.

kh'hob tsum hartsn
zi getulyet,
un s'hot a tyokhke geton
fun veytik
un fun glik.

bashafn hob ikh
nit keyn veltn
un nit keyn simfonyes,
nor fun di oysyes
un tener un kolirn
fun ot dem bagegenish
a kleyn,
basheydn lid.