yisroyl (sergey) nekrasov

1.

a gutn ovnt, regn in nyu-york,
a gutn ovnt, nase tratuarn.
shtil entfert mir der regn "a gut yor",
di shtot iz ruik, tunkl bloy un varem.
a tepl kave in a pustn barr
un vayter geyn arum di viste gasn.
di gele shayn ligt oyfn tratuar,
di shvartse beymer shlofn ayn gelasn.
a meydl kumt aroys fun dem metro
in buntn kleyd, mit lange shvartse hor,
se shmuesn dray negers oyfn rog,
se geyt iber brodvey a shpete por.
a shod, s'iz oysgegangen nokh eyn tog
un morgn veln kumen naye zorgn
un naye frages, nor dos vet zayn morgn.
a gutn ovnt, regn in nyu-york.

2.

avekgeyn iz mistome a bisl shverlekh,
nit azoy ongenem, vi ikh volt gevolt,
ober ikh volt gevolt vider derhern dos tsvirken fun shperlekh
un derzen a rozeve shtral oyf dekher fun gold.

zol es zayn, zol es zayn der onheyb zumer
zol der himl zayn reyn un hel.
demlt vel ikh zikh, a gliklekher un shtumer,
oyf a vayle farhaltn oyfn shvel.


3.

tsvey hundert tsvelf un zibn hundert akhtsn.
zey zaynen noent, bruklin un manhetn,
dos iz di zelbe shtot, nor teyl mol dakht zikh,
zey zaynen tsvey farshidene planetn.

ikh hob farloyrn dikh in bruklins vey,
in rusishe farshmutsikte ra|yonen,
tsi inem heysn otem fun sobvey,
tsi in der roysher kilkayt fun vagonen.

a tsinkener vagon iz shoyn avek,
der tog iz vi a nekhtike gazete.
a shod, az du voynst oyfn vaytn breg,
oyf der kemat fargesener planete.